自家燒吧 (已結業)

朋友約我食飯， 問我想食咩， 其實嗰日無咩胃口， 朋友就提議食D 香口野， 就介紹左這家餐廳俾我， 話香口野比較有胃口D , 我睇過後都好有興趣就走去試試。我坐最入嗰張檯，經過一張又一張檯見到人地嘅串轉下轉下真係想快點試。我先點了一個曲花茶， 本來都無咩期待， 咪又係曲花茶一杯， 一試之下原來無糖仲好香曲花味，又解渴。出到去見到一櫃嘅串燒，有肉， 有菜，有些仲串了不同顏色嘅辣椒， 令我眼花繚亂心大心細唔知選咩好。最後選了羊肉串， 豬肉串，台灣腸， 廚師腸， 雞肉串， 玉米串， 同菠蘿等等。先說說羊肉串， 味道真係唔錯， 添食了幾次。豬肉串有些小乾水， 但係都算可以。台灣腸略嫌甜了小小， 整體還可以。廚師腸唔係我食開嘅牌子， 當然早上話重新在香港供應， 應該無咁快有吧。希望下次去係我鍾意嘅牌子。雞肉串又係我最愛， 又香口又Juicy .玉米清甜多汁，但無提供牛油， 美中不足菠蘿燒前都甜， 燒完後點解唔甜嘅？整體來說都唔錯， 可以再Encore。