漢堡王 (已結業)

According to my plan，行過尖沙咀，一心諗住幫襯Burger King...走到入去，一位穿著套裝嘅小姐喺度招待客人，成個感覺好professional...行到埋去counter前面，枱頭望見menu，隨即被雙層華堡所吸引，埋位就order咗一個包，加一客洋蔥圈(某週刊coupon送嘅)，諗多兩諗就要埋個Hershey’s pie...呢個就係傳說中嘅華堡啦，仲要係雙層果隻，真係如傳聞中所講：「好有牛味...」唔知點形容，可能係我見識淺陋，但呢個真係我所食過嘅漢堡中最好食嘅一個...另外，唔洗錢果個洋蔥圈，講真，我平時對洋蔥圈真係冇咩興趣，如果唔係諗住有coupon，我都唔會要，之不過，呢度嘅食落真係好好味，炸得夠熟(我好怕食生洋蔥架 >.<)，又夠香脆，點茄汁食，真係ichiban....好味... ^^Hershey’s pie，盛惠 $16，呢個反而麻麻啦，實在太甜啦...算係幾滿意嘅一餐啦...