荳子 (PopCorn 2)

營業中

休息中

限桌令彷彿係壓垮本港食肆嘅最後一根稻草。第一次於黃金時間去 Beans 荳子食嘢唔使等位，亦唔見有人龍🥺，職員於我哋入場前不斷數人頭，確定店內食客唔過一半先畀我哋入座，非常小心。今次試咗個新出嘅榮華臘腸香芋意大利飯，估唔到 East meets West 嘅組合係咁夾😋：甜甜有嚼勁嘅臘腸，香粉軟糯嘅芋頭，配埋 creamy 嘅意大利飯，成件事好完美。由於顧客人數驟減，甜品嘅選擇少之又少，我哋揀咗卷 • 山政小山圓同 Everest， 前者係紅豆抹茶蛋捲，抹茶味清香，紅豆軟甜，很好味；後者係瑞士蓮白朱古力咖啡 mousse 配以海鹽焦糖忌廉同咖啡蛋糕，少少鹹少少甜少少咖啡味少少朱古力味少少 mousse 質感少少蛋糕質感，味道及口感異常豐富。Beans 從來都唔會令我失望🤗。