滾爺火鍋 (上海街)

營業中

休息中

今次生日飯唔想約太遠去咗旺角銅油麻地之間到打邊爐！朋友話呢度有好多湯底都值得一試！同埋野食份量雖然比較少但係鮮香味驅全！今次我哋叫咗個兩人份量嘅火鍋，首先係朋友一直好想試嘅胡椒豬尾湯底！胡椒味重豬尾軟淋淋，食落去唔會話肥到好有違和感！再加上開頭未食嘢之前可以先飲幾啖湯暖下胃！飲完之後又覺得幾開胃！湯裏面中融入咗蘿蔔令到湯更加鮮甜！之後開始選擇配料；有四隻竹節蝦，六至八隻中花甲，新鮮手打鯪魚球滑2條，仲有山根、肥美豬頸肉！當然唔少得就係手打或讚崎烏冬！竹節蝦鮮甜嫩滑、花甲非常入味帶微甜！手打鯪魚球口感彈牙！唔需要點醬料都可以好入味！山根將湯汁完全融入裏面！食落去啖啖湯！豬頸肉粉嫩配上胡椒湯味道非常夾非常鮮甜！主打有一個手打豬肉餃子！放落火鍋15至20分鐘顏色粉嫩！肉質鮮甜,餃子皮薄容易咀嚼！食完再想食！最後叫咗王老吉中和火鍋飽肚感！滾爺火鍋旺角上海街428