Bove (已結業)

喺Modos得一間舖果時已經係Fans，每次經過親都會排隊幫襯。依家開到入來元朗對於我地呢啲大西北人確係有福！點都要支持！食Modos已經變成每次去到元朗又新街嘅指定動作，而再唔係食X仔糖水、雞翼尖或者泛X。每次都係食雞蛋仔，但今次轉吓款食肉桂蘋果格仔餅一叫我飛仔，急不及待去接！餡料勁足，一啖咬落去，竟然有叮一聲嘅感覺，格仔餅係外脆內軟，暖暖哋。裡面肉桂蘋果餡不得了，顛覆咗我對呢個組合嘅觀感！原來呢個食法係正過美式做法嘅味道！餡料有啲凍，一暖一凍撞埋一齊，幾好feel蘋果仲係爽嘅，無煮得過熟，相比普通食開嘅蘋果批，味道同質感更勝一籌！而肉桂同蘋果味道係互相balance，拿捏得好準確！總結，我係一定會Encore！