更多
2019-03-09
1853 瀏覽
叁去壹呢間位於西營盤既老店,不知不覺已經有四十年歷史,個名既由來我就唔多講,最主要係本來三個合夥人,結果一名退出唔玩;所以取其名為叁去壹。點解呢間咁有情意結,因為細個老豆又係中意飲茶,所以帶埋我出黎食~所以變到我都有飲茶習慣。次次去都係主打呢三味! 分別燒賣,蝦餃,鮮竹卷。燒賣既肥瘦豬肉餡打得唔錯,唔好太實,味道都唔太鹹,恰到好處。蝦餃雖然唔稱得上皮薄,但係餡就一定係靚,蝦肉爽口!個人最中意食係佢既鮮竹卷,好多茶樓都係三條。呢間就係兩大條,一啖咬落去已經好多蠔油加埋豬肉餡,蟲草花既汁必出黎~味道一流!令人回味!店內裝修十年如一日~要搭檯,開門時間係凌晨五點,收係兩點半,所以要去飲茶既朋友盡量早去,太晏去包會換門釘。茶位三蚊位,好超值!
店內裝修十年如一日~要搭檯,開門時間係凌晨五點,收係兩點半,所以要去飲茶既朋友盡量早去,太晏去包會換門釘。茶位三蚊位,好超值!
張貼