更多
2022-05-15
2694 瀏覽
帝苑酒店, 早期嘅回憶係 “大學迎新營” 去食宵夜自助餐, 諗番起都幾荒謬. 出嚟做嘢之後, 跟 “老大” 搵食, 初試中菜 “帝苑軒”, 高級格調, 小橋流水, 座位闊落, 服務到位, 神級召喚帝苑其他餐廳嘅甜品, 大開眼界!🥢 近年間中嚟飲茶, 客人多咗, 加上裝修折舊, 體驗不復當年. 以前小食係 “蜜餞合桃”, 今日食花生. 當然, 價格冇跟住上, 性價比有吸引力. 今日點咗午市精選套餐, $568+10%, 包括兩款小菜, 兩款點心, 湯, 飯及甜品. 🐖 小菜一: 燒味雙拼, 蜜汁烤叉燒, 燒腩仔. 叉燒肥瘦適中, 蜜味啱啱好, 入口腍滑. 燒腩仔皮脆, 脂肪比例平均, 掂!🐟 小菜二: 古法炆斑腩煲. 熱辣辣. 班腩分量充足, 配火腩, 冬瓜, 枝竹. 斑腩肉質結實, 惹味. 🥣 花膠四寶羹. 足料, 正常發揮. 要讚下支古月粉,哈!🦀 點心一: 蟹子燒賣. 一籠燒賣得兩粒, 睇落有點可憐. 好食嘅.🍗 點心二: 蟲草花北菇棉花雞. 蟲草味出色, 雞同魚肚索晒味. 雞肉嫩滑, 冇乜垃圾脂肪位.🍚 鹹魚雞粒炒飯. 都幾多雞肉喎, 鹹魚味Ok.🍪 甜品: 曲奇餅, 其實好似係
🥢 近年間中嚟飲茶, 客人多咗, 加上裝修折舊, 體驗不復當年. 以前小食係 “蜜餞合桃”, 今日食花生. 當然, 價格冇跟住上, 性價比有吸引力. 今日點咗午市精選套餐, $568+10%, 包括兩款小菜, 兩款點心, 湯, 飯及甜品.
🐖 小菜一: 燒味雙拼, 蜜汁烤叉燒, 燒腩仔. 叉燒肥瘦適中, 蜜味啱啱好, 入口腍滑. 燒腩仔皮脆, 脂肪比例平均, 掂!
燒味雙拼
40 瀏覽
0 讚好
0 留言
🐟 小菜二: 古法炆斑腩煲. 熱辣辣. 班腩分量充足, 配火腩, 冬瓜, 枝竹. 斑腩肉質結實, 惹味.
古法炆斑腩煲
29 瀏覽
0 讚好
0 留言
🥣 花膠四寶羹. 足料, 正常發揮. 要讚下支古月粉,哈!
花膠四寶羹
42 瀏覽
0 讚好
0 留言
🦀 點心一: 蟹子燒賣. 一籠燒賣得兩粒, 睇落有點可憐. 好食嘅.
蟹子燒賣
23 瀏覽
0 讚好
0 留言
🍗 點心二: 蟲草花北菇棉花雞. 蟲草味出色, 雞同魚肚索晒味. 雞肉嫩滑, 冇乜垃圾脂肪位.
蟲草花北姑棉花雞
23 瀏覽
0 讚好
0 留言
🍚 鹹魚雞粒炒飯. 都幾多雞肉喎, 鹹魚味Ok.
鹹魚雞粒炒飯
28 瀏覽
0 讚好
0 留言
🍪 甜品: 曲奇餅, 其實好似係杏仁酥餅, 酥脆鬆化.
🍮 甜品: 桂花糕. 清新.
🤗 總結: 食物水準穩定, 雖然冇 “嘩” 一聲, 但樣樣高質. 環境闊落舒適, 我鍾意小橋流水, “老大” 建議訂枱靠近水池, 聽住流水聲食飯, 超級享受. 論服務, 見到頗多負評, 自己感覺還好, 一分錢一分貨, 點都比酒樓優勝. 整體性價比有吸引力.
張貼
