影片
更多
2012-03-04
89 瀏覽
今日係尖沙咀行完街..本想去尖沙咀老船長食越南菜..但竟然去到門口星期日係休息無得食..之後行番老遠去左白加士街..聽人講話有間叫老趙既野食都ok食得過..我唔抱好大期望踏入左佢個門口...就係咁..今餐可以話係我近幾個月食得最差既一餐...睇我以下文字連圖既介紹....就知咩原因...三牛檬 - 上湯粉效率都幾快..坐低一陣就即時送上..E個湯檬只係一碗平平無奇,..豪無特別既湯粉45蚊..湯底清味道唔濃..牛筋可以,生熟牛唔淋重有渣!濃汁沙嗲牛肉粉絲 - 賣相大家有圖可見,豪無誠意! 濃汁?! 事實上汁淡如水,無味?! 白恰粉絲配無味汁?! 點解會咁失敗,牛肉當然同以上菜色一樣都係唔得, 成45蚊我諗好多地方都食得好過E度...小食拼盤- 從來我甚少會勁彈樣野點樣唔好食..但如果我講得出黎我諗真係都真係幾失敗你可以話我好少嘗試其他地方既越南菜,但唔可以質疑我對E碟送既評語如下講味道 - 我覺得任何一間都可以整得好食過佢講賣相 - 豪無誠意,都唔知自己食緊花生配菜碎定係食緊小食拼盤, 札肉上邊灑d花生碎炸蒜,我都唔知自己食緊邊樣先係主角,札肉一片圓形一開三,成隻碟總共有4片, 越南春
之後行番老遠去左白加士街..聽人講話有間叫老趙既野食都ok食得過..
我唔抱好大期望踏入左佢個門口...就係咁..今餐可以話係我近幾個月食得最差既一餐...
睇我以下文字連圖既介紹....就知咩原因...
三牛檬 - 上湯粉效率都幾快..坐低一陣就即時送上..E個湯檬只係一碗平平無奇,..豪無特別既湯粉45蚊..湯底清味道唔濃..牛筋可以,生熟牛唔淋重有渣!
濃汁沙嗲牛肉粉絲 - 賣相大家有圖可見,豪無誠意! 濃汁?! 事實上汁淡如水,無味?! 白恰粉絲配無味汁?! 點解會咁失敗,牛肉當然同以上菜色一樣都係唔得, 成45蚊我諗好多地方都食得好過E度...
小食拼盤- 從來我甚少會勁彈樣野點樣唔好食..但如果我講得出黎我諗真係都真係幾失敗你可以話我好少嘗試其他地方既越南菜,但唔可以質疑我對E碟送既評語如下
講味道 - 我覺得任何一間都可以整得好食過佢
講賣相 - 豪無誠意,都唔知自己食緊花生配菜碎定係食緊小食拼盤, 札肉上邊灑d花生碎炸蒜,我都唔知自己食緊邊樣先係主角
,札肉一片圓形一開三,成隻碟總共有4片, 越南春卷大部份地方都可以比佢造得更出色,
好地地一塊蝦片上邊加一塊好似粉卷皮咁既野上邊又係灑d花生碎炸蒜...攪咩野?!
講價錢 - 嚇死人...128蚊比碟咁既野我食...真係一路食一路鬧一路拍心口..前者湯粉已經唔係好得..
後者E個小食拼盤可以話係e餐最難食既精髓...我一路食一路唉..唉..唉..!!!!!!
香芧豬扒凍檬 - 失望遲來既撈檬..由期望變為無望最後失望, 抱住求期填飽個肚就算既心態食我E一碗撈檬..結果真係神級?! 點樣神級法?! 香芧豬扒無香芧味,似煎豬扒重要係冰凍既,好dry..我自己整重好食過佢..慘啦真係
撈檬靈魂係個汁...個汁簡直神奇..明明已經落左好多汁但點解係無酸味..重要帶甜?! OH MY GOD !
之前我係大圍某某間大排檔食22蚊一碗同樣都係香芧豬扒凍檬點解分別咁大? 講環境人地開係馬路邊得哦幾張台
坐係坐得唔舒服, 但人地22蚊碗無論係色香味都有誠意過E間野多多聲....事實証明只有門面功夫無實質既內涵係唔掂檔!
D人食完一次咁樣都唔會想再番轉頭幫襯第二次...太失敗
****入去食真係要諗諗,,想知係咪咁差?! 你地可以叫下我以上"推介"既名單..包你有"驚"無喜
題外話/補充資料：
另外價錢嚇死人咁貴..,如果要食海鮮類..好似大頭蝦等..168蚊碟(我諗都係得2-3隻)
我地原本重諗住叫佢個串燒48蚊半打..因為實在太離譜喇D野食..所以最後食完就即時埋單走人..真係我坐多一分鐘都唔想呀 !!!! :(:(
出到門口見佢重貼住2010年入圍十大我最喜愛食肆..簡直打左個凸"下唔係話?!?!":o
(以上食評乃用戶個人意見 , 並不代表OpenRice之觀點。)
張貼
