更多
2017-07-19
3441 瀏覽
星期日約咗一班fd 聚舊，原本想去沙田食飯，但又怕好多人，所以就嚟咗科學園！呢間之前有朋友食過話好正，所以決定試試！嚟到鋪頭，已經覺得環境好舒服，景觀好開揚，真係見到都心情大好！見到餐牌有好多好嘢食，我哋四個人決定叫幾個share !首先叫咗個黑醬油豚骨拉麵，個湯底好濃，拉麵都煮得啱啱好，唔會太淋，夠爽口，食完個麵大家都忍唔住飲番兩啖湯！上面嘅豬軟骨都整得好好食，入口即化嘅感覺！之後係花見月特上魚生丼定食，外型好靚，上面有三文魚子、海膽、帶子咁好多款刺身，全部都好新鮮！可惜我地太貪心，最終都食剩咗啲飯！除咗定食同拉麵見到佢有個special menus 係食all day breakfast，貪得意就叫咗嚟試吓，又幾盞鬼，無諗過香腸都有三款，佢配埋日式薯餅，又幾有新鮮感， 同埋薯餅都係好脆好好食！ 呢度叫野食可以追加刺身同其他小食，我哋要咗三文魚、三文魚腩同甜蝦刺身，全部都好新鮮，所以一上枱就比我地清晒！ 我哋仲要埋薯餅、魷魚餅同明太子雞翼，結果飽到不得了，但魷魚餅要讚下冇諗過份量咁大，一份可以切到四件，我哋仲叫咗兩份，結果當然食到勁飽！至於明太子雞翼，都好足料，同埋有好多明太子
嚟到鋪頭，已經覺得環境好舒服，景觀好開揚，真係見到都心情大好！見到餐牌有好多好嘢食，我哋四個人決定叫幾個share !
首先叫咗個黑醬油豚骨拉麵，個湯底好濃，拉麵都煮得啱啱好，唔會太淋，夠爽口，食完個麵大家都忍唔住飲番兩啖湯！上面嘅豬軟骨都整得好好食，入口即化嘅感覺！
之後係花見月特上魚生丼定食，外型好靚，上面有三文魚子、海膽、帶子咁好多款刺身，全部都好新鮮！可惜我地太貪心，最終都食剩咗啲飯！
除咗定食同拉麵見到佢有個special menus 係食all day breakfast，貪得意就叫咗嚟試吓，又幾盞鬼，無諗過香腸都有三款，佢配埋日式薯餅，又幾有新鮮感， 同埋薯餅都係好脆好好食！
呢度叫野食可以追加刺身同其他小食，我哋要咗三文魚、三文魚腩同甜蝦刺身，全部都好新鮮，所以一上枱就比我地清晒！
我哋仲要埋薯餅、魷魚餅同明太子雞翼，結果飽到不得了，但魷魚餅要讚下冇諗過份量咁大，一份可以切到四件，我哋仲叫咗兩份，結果當然食到勁飽！至於明太子雞翼，都好足料，同埋有好多明太子係入面！食完大家再傾左好耐先走，仲約埋下次要過黎踩單車再食過。
張貼
