更多
2021-09-10
702 瀏覽
如果去開大埔，都好推介你嚟呢一間，一係我經常同朋友嘅聚腳之選！👍🏻招牌明太子海鮮薄餅講到明招牌，果然不負眾望，批底鬆脆可口，海鮮有煙三文魚、蝦、蟹柳同紫菜曬面，明太子醬唔會特別多，無搶奪左成個薄餅嘅味道。👍🏻松露忌廉芝士酥炸雞翼雞翼超級肥大，一碟有六隻，酥炸得不油不膩，滿滿嘅松露醬汁好creamy，而醬汁亦都冇令外皮淋軟。👍🏻西班牙伊比利亞豬肩肉今次叫咗全熟，但係肉質都好嫩，豚香味雖然唔係好重，但係帶點脂肪既邊皮，同適量嘅黑胡椒同鹽作調味，也是滋味無比。👍🏻香城安格斯漢堡包皮烤烤得宜，帶脆口感。漢堡實淨多汁，仲要個size好大份！裏面配有生菜、蕃茄、洋、芝士，連拌碟嘅薯條都係熱辣辣，即炸上枱！只係可惜漢堡嘅底部反而索晒油，放耐左就變淋。👍🏻焦糖菠蘿焗蟹餅好少見到嘅配搭，焦糖嘅甜加上菠蘿嘅酸，居然係意想唔到嘅好味，擺盤好細膩，蟹肉口感一絲絲，唔會鬆散，屬幾出色嘅前菜。👍🏻海鹽奶蓋抹茶奶蓋好厚身，好滑好濃密既口感，抹茶味雖然會因為冰塊嘅溶化而逐漸變淡，但係正正有海鹽撈埋一齊又好ok，而且杯面仲有兩粒熊仔餅點綴下。👍🏻👍🏻餐廳嘅意粉，薄餅皮都係自家製誠意十足。💡餐廳人流好多，環境比較狹窄，枱
👍🏻招牌明太子海鮮薄餅
講到明招牌，果然不負眾望，批底鬆脆可口，海鮮有煙三文魚、蝦、蟹柳同紫菜曬面，明太子醬唔會特別多，無搶奪左成個薄餅嘅味道。
👍🏻松露忌廉芝士酥炸雞翼
雞翼超級肥大，一碟有六隻，酥炸得不油不膩，滿滿嘅松露醬汁好creamy，而醬汁亦都冇令外皮淋軟。
👍🏻西班牙伊比利亞豬肩肉
今次叫咗全熟，但係肉質都好嫩，豚香味雖然唔係好重，但係帶點脂肪既邊皮，同適量嘅黑胡椒同鹽作調味，也是滋味無比。
👍🏻香城安格斯漢堡
包皮烤烤得宜，帶脆口感。漢堡實淨多汁，仲要個size好大份！裏面配有生菜、蕃茄、洋、芝士，連拌碟嘅薯條都係熱辣辣，即炸上枱！只係可惜漢堡嘅底部反而索晒油，放耐左就變淋。
👍🏻焦糖菠蘿焗蟹餅
好少見到嘅配搭，焦糖嘅甜加上菠蘿嘅酸，居然係意想唔到嘅好味，擺盤好細膩，蟹肉口感一絲絲，唔會鬆散，屬幾出色嘅前菜。
👍🏻海鹽奶蓋抹茶
奶蓋好厚身，好滑好濃密既口感，抹茶味雖然會因為冰塊嘅溶化而逐漸變淡，但係正正有海鹽撈埋一齊又好ok，而且杯面仲有兩粒熊仔餅點綴下。
👍🏻👍🏻餐廳嘅意粉，薄餅皮都係自家製誠意十足。
💡餐廳人流好多，環境比較狹窄，枱與枱嘅空間比較少～
張貼
