樂景快餐店 (已結業)

本人愛吃的程度是無容置疑的，特別對芝士牛油麵包等等，尤其鍾愛。午飯時候聽到芝士漢堡已經口水長流，同事還要邊走邊介紹。啊！原來美食法庭的蔣怡曾經介紹此快餐店。話說老闆每天早上均會親手鮮製漢堡，而且100%牛肉，再混以洋蔥及自家製醬汁，聽見已經想飛奔去試。芝士漢堡麵包同麥當勞一樣，但人地真係做足功夫，連麵包都煎埋，咬落去脆卜卜。漢堡好有肉汁，而且有牛味，咬左一啖會見到入面唔係死實實既牛肉，仲會見到洋蔥粒架。不過我個人對茄汁冇咩好感，所以下次食呢個包，一定走茄汁。$10一個包，真係抵食，但要有心理準備，舊式既快餐店，衛生情況唔係澳門翠華果ｄ裝修同格局囉，想食好野就要抵諗ｄ啦！