小時光 (已結業)

男友之前嚷住要去試，但我嫌路途遙遠唔願去，不過因為有事去開觀塘順便一嚐，大約七點左右到，A座門口已落閘，要兜去B座經過停車場進入，而且門面唔起眼，唯有跟住人流行，估計都係去小時光啩～～～一到步門口已經有一大堆古老野，電話、水壺、櫈⋯⋯全是六、七十年代，好好彩等左一陣有位，侍應著校服的，一股校園feel，課室木枱同櫈，唔好坐，好迫，要出去排隊點餐再俾個電子提示器去提餐，行出行入要人讓，唔係太方便，男友由點餐、取餐、取水及餐具，仲要分開左點食物同飲品，騰出騰入成四、五次😅，建議去嘅朋友仔一次做哂以上動作。點了鹽酥雞排，夠味但唔過鹹，炸得夠酥脆牛筋腩便當，筋腩入味又夠淋，加了香菜好醒胃，飯有牛腩汁香，絕對美味鹵水拼盤有牛𦟌、雞全翼、蛋、蘿蔔、豆腐乾，色水夠但唔入味，相比其餘兩樣稍微遜色。黑糖奶茶～可愛嘅長頸鹿紋杯載著奶茶+迷你試杯載有黑糖啫喱，本身杯奶茶已有甜味，啫喱只係點綴，其實質感唔似啫喱，飲到尾都唔會溶嘅，配套已經夠特別，飲到中途「光洙」出現？好可愛呀😍但「啫喱」有啲似未清理長頸鹿啲便便忽然童真起嚟⋯⋯真的回復小時光，個人都感覺年輕左備註最後要自己將托盤攞出去，係全自助形式的