大班麵包西餅 (已結業)

今年老豆生日，我地响酒樓食飯慶祝，仲特登訂製個壽桃蛋糕來賀一賀佢！個蛋糕4磅重，直徑有成10寸，睇起上黎都幾有份量架！當然，大家見到緊係超開心啦！未唱生日歌之前，大家都非常忙碌咁影個蛋糕，壽星仔都比佢掠晒鏡！唱完生日歌，我地就砌蛋糕啦！其實，個壽桃表面係忌廉，裡面就係傳統既什果忌廉蛋糕。自己好耐冇食過大班既蛋糕，但係我覺得蛋糕比其他大餅店好食喎！個蛋糕好鬆，好有傳統既蛋糕香味，又多生果，忌廉比例OK，唔會覺得好"溜"！我地成廿六個人，每人都食左一細舊，仲有成四分一無食到，實在太飽啦！不過，响大家咁飽既情況下，我地仍然覺得個蛋糕好好食，咁佢真係好好食架啦！　當然，我地將四分一帶走，第二日食仍然覺得好好味！勁！