33
8
1
等級4
333
0
2020-01-11 2157 瀏覽
老牌與潮流並存嘅新派居酒屋,由菜色設計到環境裝修,完全冇諗過會係一間開咗超級廿年嘅老店,隔咗咁多依然咁潮不愧為蘭桂芳餐廳正因為開咗咁多年,最近餐廳推出新menu當中有個rock and roll combo,結集咗六款唔同風格嘅新派卷物,見證廿年嚟飲食潮流嘅變遷。由最初嘅經典彩虹卷到慢慢轉為炸物同牛油果為主調,再到加咗微辣嘅免治魚蓉甚至將壽司拎去炸,當然到最新潮流索性將牛油果取代壽司米成為無飯卷物眾款當中至愛spicy tuna crunch,底部壽司飯炸至黃金色加上頂層堆到成座山嘅吞拿魚蓉,魚蓉除咗打得幼滑仲加咗少少脆片增加口感,層次感非常豐富。另外新menu嘅其他菜色都好吸引,兩款前菜均以吞拿魚為主要食材,沙律用幼嫩且重魚香嘅赤身位配以淋上酸甜並重嘅沙律醋汁,兩者結合相得益彰而吞拿魚他他更加係完美表現新派日菜嘅風範,將魚油香極重嘅拖羅打成軟滑非常嘅魚蓉狀,同時混入帶有墨西哥風嘅微辣脆脆以增添口感,再用生菜包住嚟食,以清新感解決膩口嘅問題,成件事非常出色至於主菜方面就偏向穩重路線,燒牛肉夠惹味,除咗微焦香仲帶牛香,而且以芝麻醬增甜減膩,令味道上再多點變化,同時又唔會搶咗個牛味,好過大
更多
老牌與潮流並存嘅新派居酒屋,由菜色設計到環境裝修,完全冇諗過會係一間開咗超級廿年嘅老店,隔咗咁多依然咁潮不愧為蘭桂芳餐廳
92 瀏覽
0 讚好
0 留言

正因為開咗咁多年,最近餐廳推出新menu當中有個rock and roll combo,結集咗六款唔同風格嘅新派卷物,見證廿年嚟飲食潮流嘅變遷。由最初嘅經典彩虹卷到慢慢轉為炸物同牛油果為主調,再到加咗微辣嘅免治魚蓉甚至將壽司拎去炸,當然到最新潮流索性將牛油果取代壽司米成為無飯卷物
93 瀏覽
0 讚好
0 留言
79 瀏覽
0 讚好
0 留言

眾款當中至愛spicy tuna crunch,底部壽司飯炸至黃金色加上頂層堆到成座山嘅吞拿魚蓉,魚蓉除咗打得幼滑仲加咗少少脆片增加口感,層次感非常豐富。
89 瀏覽
0 讚好
0 留言

另外新menu嘅其他菜色都好吸引,兩款前菜均以吞拿魚為主要食材,沙律用幼嫩且重魚香嘅赤身位配以淋上酸甜並重嘅沙律醋汁,兩者結合相得益彰
48 瀏覽
1 讚好
0 留言

而吞拿魚他他更加係完美表現新派日菜嘅風範,將魚油香極重嘅拖羅打成軟滑非常嘅魚蓉狀,同時混入帶有墨西哥風嘅微辣脆脆以增添口感,再用生菜包住嚟食,以清新感解決膩口嘅問題,成件事非常出色
48 瀏覽
0 讚好
0 留言
56 瀏覽
0 讚好
0 留言

至於主菜方面就偏向穩重路線,燒牛肉夠惹味,除咗微焦香仲帶牛香,而且以芝麻醬增甜減膩,令味道上再多點變化,同時又唔會搶咗個牛味,好過大把淨係識用和牛然後淨係識食肥油零牛味只靠調味料嘅餐廳好多倍
22 瀏覽
0 讚好
0 留言
22 瀏覽
0 讚好
0 留言

另一款燒鱸魚更係上天堂之作,魚肉質感超嫩滑唔洗點咬已經滑入喉嚨,而且魚油香濃,加上味噌同蛋黃醬配合令味道更香口,更有日式醬燒嘅風格。當然作為蘭桂芳嘅餐廳,呢度仲有好多唔同種類嘅清酒同調酒,愛酒之人都可以暢食暢飲呢
28 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食