佳寧娜潮州菜

營業中

休息中

團年飯，見個場面都熱鬧，伙記都夠人，雖然個套衫都各有自己特色，拼出有趣畫面，唔知係咪折射潮州老細孤寒嘅風格。菜式都穩打穩扎。蝦蟹枣雙拼、鵝片、春菜、糖醋麵，全部都對辦嘅，老實講，個雙拼叫做得唔錯，真材實料。鵝片有豆腐托底，中規中矩。糖醋麵唔夠乾身。烏頭可說係當造，例牌小半條。可能係疫後第一次團年飯，樓面頂得住，廚房都頂唔住，結果甜品等咗大半個鐘都未見，越坐越凍，見周圍啲枱個個都媽媽聲嗌漏單，嗱嗱聲嗌埋單，點知連樓面都拖住一波，結果招呼緊包廂嘅姐姐都要幫手埋單。