Oliver's Super Sandwiches (太古城中心)

己經有十年以上冇幫襯過，最近經開太古城見到，忽然記起之前在金鐘上班時候經常食，好喜歡焗薯，還有什菜湯。
今日橫掂經過，久別重逢，睇吓質量有冇改變。

肉醬意大利麵 + 什菜湯
份量適中，不過肉醬再多些少就更完美。要求加多少少要追加十元，簡直搶$啊！以往係不用的。
味道方面是ok ga ， 意粉軟硬度適中， 肉醬醬汁都非常濃厚， 保持到中規中矩嘅水準。
什菜湯就相當濃厚，蔬菜材料足夠，好味。
跟以前相比， 食物質素都仍然保持得到。