陳根記

營業中

休息中

大排檔最岩就係一大班朋友聚腳既地方。星期四一行5人，去左石門既陳根記，呢間老牌既陳根記。晚上8點左右，人吾多，等左十分鐘左右入得場，個場吾算好大，但成日都爆場，環境保留左大排檔既格局，但非常舒服同衛生，可能仲好新。坐底之後叫啤酒，得兩種啤酒排檔得咁少款真係……之後黎左個冰震鵝掌，例牌燒鵝，鵝掌平平，勝在送酒，而燒鵝呢就可接受，肉味吾夠濃，岩岩出爐，之後有羊腩煲，叫左煲大，但都好細煲，味道吾錯，有肥有瘦，平均。一個菜，有獲氣，但太細蝶。一個胡椒蝦，好好味好香，但d蝦細到太離譜而且得幾隻，吾低食。最後值得一讚既係個甜品，一層熱辣辣既脆脆包住個芒果，真心好食，經過都會買返個打包總括食物既味道係吾錯既，80分，環境都好好，但吾夠人手，叫支啤酒都要3催4請，價錢就可以接受啦，每人250~300蚊左右，飲埋啤酒。