喜惶點心專門店 (已改名) 查看

我聽老爸講，佢最鍾意去呢度食點心同飲湯，就算自己一個都會去食😳😳同打包回家食既然係咁，我就搵日陪佢試下啦！間舖唔大有上下兩層，門口有個模擬牛肉檔，有啲懷舊新裝修可以打卡。食飯時間好爆，聽老爸講有陣仲要等下位添😲講返食物，其實都真係幾好食，點心嚟講，本人覺得好味過酒樓果啲，淨係講碟蝦腸都熱辣辣夠薄皮，員工話係即拉新鮮的，仲有小籠包，燒賣，牛肉球，煎腐皮卷呢幾樣我都覺得好好食。另外原來例湯係無加味精咖，有個四眼靚仔話，一星期每日唔同款，我就飲咗胡椒豬肚湯，碗湯佢哋俾咗好多舊豬肚，但我想飲湯多啲😅😅唔怪之得我老爸咁鍾意呢度。