初見麵 (已結業)

岀街食飯都預咗重味精，嘢食偏鹹，食完勁口渴。新發現將軍澳有間新開嘅米線店，主打老火湯底兼無味精！仲要唔貴，食碗麵都係$48起。外賣仲會分湯上，非常貼心❤️。馬拉肉骨茶湯粉（$68）馬拉肉骨茶湯底一啲都唔淡，而排骨腍而入味，仲啖啖肉。仲有杞子、，豆卜等配料👍🏿。花膠椰子鮮奶雞湯粉（$68）味道比肉骨茶清淡，但係無味精喎，飲落似屋企煲嘅湯。有一舊厚厚彈牙嘅花膠，同三舊雞卷。米線份量都好多，仲好爽滑。銀耳雪梨茶同當歸活血茶（+$8）都一定要試下。飲落一啲都唔甜，絕對真材實料。