豪園麵家

營業中

休息中

今晚冇煮飯，專登嚟到豪園麵家食佢嘅鑊氣小炒。每個鑊氣小炒都附送白飯和例湯蟲草花無花果豬骨湯清甜足料，唔係味精湯，飲完會好頸渴。黑椒薯仔牛柳粒 $102牛柳粒好軟嫩，剛炒起食，口感外脆內軟，朋友係咁話好食。就連薯仔都好好食，薯仔🥔入口鬆化，令人印象深刻，整體都係水準以上。味菜炒牛柏葉 $100牛柏葉爽口彈牙，味菜爽口，炒得夠鑊氣，唔錯。黑醋欖角味一字雞翼$68呢個整抵食，大大碟，即叫即整，雞翼新鮮即炸，外脆內軟，入口juicy嫩滑，個黑醋汁好醒胃，令人越食越想食，一啲都唔覺得膩。豪園麵家嘅小炒，真係好夠鑊氣，真係食好多次都唔會厭。