更多
2019-06-27
5115 瀏覽
我老公最鍾意嘅就係食漢堡包🍔,不過今次我唔係同佢食,而係同我家姐食,好食嘅嘢緊係同人分享。餐廳喺酒吧區,所以成日都好多外國人幫襯,風味都係外國口味,而唔係麥當勞嗰種食唔飽嘅質感。雖然我係外賣,但係返到屋企焗返熱都仲係好好食。牛肉漢堡包🍔雖然係最普通,但畢竟係招牌菜,最能反映餐廳嘅食物質素。牛肉唔會煎得太乾,即使回家焗熱再食亦能保持豐富的肉汁,另外番茄和生菜亦非常新鮮。炸魚漢堡炸魚又厚又大塊,而且有一絲絲嘅魚肉口感,而唔係M記嗰種廉價嘅魚柳,魚有魚味😂😂😅另外份量好大,我家姐同姨甥女兩個人share 都好夠食。扭扭薯條和薯寶都係我嘅最愛,而且全部都係即點即炸,放入盒前仲係熱辣辣。我和姐姐二話不說,即刻食返條,仲差啲辣親個咀。拎到返屋企雖然淋咗,但我用air fryer 炸佢,即刻變返香脆可口。最令我又愛又恨嘅係士多啤梨奶昔,因為要$69一杯,真係好貴,有啲唔捨得,但又真係好好飲。我望住佢用兩至三球雪糕即刻打出嚟,真係好新鮮香甜。而且士多啤梨唔係藥水味,而係鮮草莓味,絕對係消暑佳品。飲完一杯已經飽曬,返到屋企再食埋個漢堡包和薯條就剛剛好。
餐廳喺酒吧區,所以成日都好多外國人幫襯,風味都係外國口味,而唔係麥當勞嗰種食唔飽嘅質感。雖然我係外賣,但係返到屋企焗返熱都仲係好好食。
牛肉漢堡包🍔
雖然係最普通,但畢竟係招牌菜,最能反映餐廳嘅食物質素。牛肉唔會煎得太乾,即使回家焗熱再食亦能保持豐富的肉汁,另外番茄和生菜亦非常新鮮。
炸魚漢堡
炸魚又厚又大塊,而且有一絲絲嘅魚肉口感,而唔係M記嗰種廉價嘅魚柳,魚有魚味😂😂😅另外份量好大,我家姐同姨甥女兩個人share 都好夠食。
扭扭薯條和薯寶都係我嘅最愛,而且全部都係即點即炸,放入盒前仲係熱辣辣。我和姐姐二話不說,即刻食返條,仲差啲辣親個咀。拎到返屋企雖然淋咗,但我用air fryer 炸佢,即刻變返香脆可口。
最令我又愛又恨嘅係士多啤梨奶昔,因為要$69一杯,真係好貴,有啲唔捨得,但又真係好好飲。我望住佢用兩至三球雪糕即刻打出嚟,真係好新鮮香甜。而且士多啤梨唔係藥水味,而係鮮草莓味,絕對係消暑佳品。飲完一杯已經飽曬,返到屋企再食埋個漢堡包和薯條就剛剛好。
張貼