影片
更多
2018-09-18
113 瀏覽
呢日大陸既一個兄弟走左黎香港買結婚戒子，準備求婚 成家立室。作為兄弟既我就陪佢去行一轉鑽飾金鋪，買完心頭好之後 就諗住試下呢間火鍋店。呢間老鍋台式火鍋，顧名思義係主打台式火鍋，相對於依家興行既四川麻辣火鍋，可以係話近親之餘又獨樹一格。係門前等待埋位之際，見到牆上貼滿明星光顧既相，其中仲有我既超級偶像發哥周潤發，眾星拱月。我地就點左鴛鴦湯底，分別係麻辣鍋同酸菜白肉鍋。麻辣鍋我地揀左中辣，所以整鍋鮮紅色，滿滿辣椒，麻椒等調味料，另外隨鍋仲會有鴨血、凍豆腐等等配料。而酸菜白肉鍋就好有驚喜，除左主打既酸菜同白肉外 仲有蕃茄、冬菇、扁粉等等，材料好足。我地點左一碟手切牛肩肉，兩個牛魔王既最愛。肉既色澤鮮紅，雪花分佈都好靚，肉片厚度不會太薄、略厚，麻辣與牛肉味重疊，味道一讚。魚肉小籠包。我地都係見個名得意，所以試一試新野。初睇外型同我地平時打邊爐食開既蟹子丸相似。但原來入面壤左魚肉，仲裹住高湯，十分鮮甜。黃金咸蛋黃豬肉丸。我地點左半份，共有4粒。外層豬肉丸好彈牙，肉味濃，咬到中間會食到咸蛋，咸蛋既香味即刻就充斥住口腔，力壓肉味，味道不俗。兩個麻甩佬唔少得會叫白飯黎打邊爐，男人既浪漫。淋d麻辣湯汁落
呢間老鍋台式火鍋，顧名思義係主打台式火鍋，相對於依家興行既四川麻辣火鍋，可以係話近親之餘又獨樹一格。
係門前等待埋位之際，見到牆上貼滿明星光顧既相，其中仲有我既超級偶像發哥周潤發，眾星拱月。
我地就點左鴛鴦湯底，分別係麻辣鍋同酸菜白肉鍋。麻辣鍋我地揀左中辣，所以整鍋鮮紅色，滿滿辣椒，麻椒等調味料，另外隨鍋仲會有鴨血、凍豆腐等等配料。而酸菜白肉鍋就好有驚喜，除左主打既酸菜同白肉外 仲有蕃茄、冬菇、扁粉等等，材料好足。
我地點左一碟手切牛肩肉，兩個牛魔王既最愛。肉既色澤鮮紅，雪花分佈都好靚，肉片厚度不會太薄、略厚，麻辣與牛肉味重疊，味道一讚。
魚肉小籠包。我地都係見個名得意，所以試一試新野。初睇外型同我地平時打邊爐食開既蟹子丸相似。但原來入面壤左魚肉，仲裹住高湯，十分鮮甜。
黃金咸蛋黃豬肉丸。我地點左半份，共有4粒。外層豬肉丸好彈牙，肉味濃，咬到中間會食到咸蛋，咸蛋既香味即刻就充斥住口腔，力壓肉味，味道不俗。
兩個麻甩佬唔少得會叫白飯黎打邊爐，男人既浪漫。淋d麻辣湯汁落飯到，飯粒索滿辣香，十分滿足。
眼見有一位兄弟就要成家立室，鄧佢開心之餘，亦都祝福佢求婚成功 娶得美人歸。
張貼
