覓炙 (已結業)

早前與朋友到這裡聚餐，覺得fushion菜各樣都做得很出色。韓式燒烤全是進口食材，用料上剩，而法國菜式亦非常精緻，於是決定翻飛。💪💪💪今次唔燒烤，淨係試西餐。嘩！真係又有驚喜！😍😍😍 除咗新鮮嘅生蠔，麵包蟹同白酒青口係上次食過，其餘都是新嘗試。 先嚟一個蒜蓉多士煙鱔紅酒醋汁，多士香脆，勁多蒜蓉，煙鱔好香，同紅酒醋好夾，成件事夾埋真係好正！👍👍👍跟住嚟個溫泉蛋西班牙銀魚荷蘭菇菇。我覺得係全晚亮點。温泉蛋剛好半熟，一切落去有蛋汁流出，配合銀魚咸香，同菇菇嘅香味，其實我本身係唔鍾意食蛋，但呢個菜式確係配合得好精彩，好好味啊！😙😙😙之後就係我點的黑松露飯釀雞，因為响openrice見到有食客影出嚟好吸引，所以專登叫的。隻雞一剪開，黑松露香味即湧出來，雞肉好嫩滑，而飯亦好香，真係冇叫錯！跟住有個三文魚，呢個我就麻麻地，因為我唔鐘意煮熟嘅三文魚嘅，所以我食晒周邊的什菇，個cream sauce好好味，至於啲魚，由我朋友們搞掂。最後仲有雪糕蘋果批。個批皮好薄，好香，而蘋果，提子乾軟硬適中，又不太甜，好好味，配埋雪糕，真係幸福，連個碟都係冰凍，因要避免雪糕溶得快，真貼心，只是，每人一件實在唔夠喉，太好