彤 (已結業)

尖沙咀既彤係做廚師發辨既，呢度既門口有好似水簾既設計，仲有師傅既專業加上食材既新鮮，超級正！首先刺身方面已經好吸引，笛鯛魚加上北海道帆立貝配馬糞海膽，油脂豐富的白身魚入口即溶，魚味鮮甜，而帆立貝口感都好好，好厚實，同埋鮮香既海膽一齊食，十級正，食完成口都係鮮味！😋仲有特別啲既北海道產厚岸真蠔配上日本刺身水母，生蠔大大隻，濃厚既海水味加上肉質鮮甜既蠔，仲有爽脆既水母，好食到一個點呀！🦪另外好特別既係千葉原產平目魚，切到薄薄一片既平目魚包住芽蔥，配埋辣椒蘿蔔蓉同埋柚子味酸汁，豐富口感，甜酸既酸汁令魚更鮮味，食落更有層次，超級好食！🤤熟食就有子持鮎魚🐟燒魚要燒得好食唔易，入面有好多魚春，非常鮮甜，鹽燒又好香，魚肉嫩滑，好正呀！壽司每件都好出色，壽司飯有調味，北海道赤貝壽司既赤貝都好爽脆，好鮮味，唔駛點豉油都好好食啦！