喜來稀肉 (已結業)

首先想講既就係呢度啲前菜份量超大份，出面通常比細細碟泡菜你就算，呢度泡菜，沙律，醃蘿蔔同青瓜全部都係大大碟。泡菜醃得夠晒味。牛舌薄切 $148燒20秒左右就已經可以食，非常爽口，推薦配上粗鹽食，更能突顯牛肉味道。喜來五花肉配上特製醬油 $138厚厚嘅脂肪，一燒嘅時候豬油出晒嚟，香氣十足。本身醬油已經醃製得比較重味，個人認為唔需要另外再點醬食。調味醬油雞肉 $110雞肉都係比較肥嘅部位，大約有四塊大大塊嘅雞扒咁。都係已經醃製好，可以加少少蒜頭一齊燒，更加有特色風味。不過如果肉質可以再嫩滑啲就更好。個人認為值得一提就係呢度嘅服務非常之好，蛋汁任加不特止，仲好密幫我地換鐵板，至少玩左四五次唔係講笑。