力寶軒

營業中

休息中

今次朋友聚會就搵咗一間係中間點，金鐘地鐵站一出，行幾分鐘左右就到，好方便嘅中式餐廳力寶軒食飯。餐廳嘅設計好典雅，員工好有禮貌，環境好舒適，點咗個鮮魚套餐，有一條金山檸檬蒸馬友魚，鮮嫩滑嘅馬友魚，配上檸檬酸甜汁，好好味，另外就點咗翡翠百合明蝦球，蝦球大大粒，食落好爽彈。呢個套餐好抵食。另外單點咗蕗蕎糖醋果粿肉，呢個係類似菠蘿咕嚕肉嘅汁，酸酸甜甜好開胃，但我覺得佢比咕嚕肉更加特別同好食，因為佢嗰個果肉係成個都係肉，唔會得似咕嚕肉咁樣主要係骨。芙蓉瑤柱炒飯，呢個炒得好有鑊氣炒得好香，而且大大碟！最後我哋就點咗炸奶皇包，店員亦都好細心主動問我哋要不要後上，奶皇包好香口，外脆內軟 ，啲奶黃好流心，作為甜品做結尾一流！