緣味小聚 (金百利廣場) (已結業)

行完商場，食厭咗商場嘅food court，於是行出街搵嘢食。漫無目的，三心兩意行咗一陣先決定食蒸鍋。原因係原來我朋友係無食過蒸鍋嘅，佢話想試下，咁我就陪佢試下啦。環境就係普通街坊小店，感覺有啲復古FEEL。假日晚市場都幾FULL下。我地叫咗鮑魚果個SET，我都食過幾次蒸鍋噶啦，因為好多都係主打原汁原味，都唔會提供太多唔同嘅醬汁。但我個人就重口味，中意點醬汁食。一個SET有湯，有幾款海鮮，又有八寶飯，食落幾飽肚。海鮮質素都OK，味道鮮甜，口感彈牙。主角鮑魚大大隻，口感好爽滑。八寶飯認真唔錯，有得自己揀餸，正！朋友都覺得幾好食，話下次聚會可以再約蒸鍋。