影片
更多
2022-01-06
48 瀏覽
一直都話好想食蒸海鮮，今日終於喺尖沙咀試咗呢間蟹仙蒸鍋。先講價錢先，我哋叫嘅係四百幾蚊嘅餐，呢個價錢性價比極高，因為佢包咗好多唔同款嘅海鮮。蒸海鮮通常係由淡味食到濃味首先上嘅有東星斑，大約蒸八至10分鐘加上蒸魚豉油已經好鮮甜。再來台灣九孔鮑魚同越南大虎蝦，尺寸十分之大而且鮮甜彈牙，明顯係新鮮貨。之後有大西洋野生青口同韓國珍珠蠔，兩款蒸完都仲有海水味而且又唔會太老太韌，一個字正。紐西蘭刀貝蚌佢上菜個時我仲見到佢郁緊，一樣係鮮甜可口。最後先到主菜澳洲龍蝦同菲律賓蟹。龍蝦係西澳龍蝦，有手臂咁大，食完一隻有沖動叫多隻來食。菲律賓蟹十分多膏，肉質都鮮甜，對於第一次食菲律賓蟹既我有驚喜。最後食埋個菜同粥就真係完成呢個完美嘅一餐
先講價錢先，我哋叫嘅係四百幾蚊嘅餐，呢個價錢性價比極高，因為佢包咗好多唔同款嘅海鮮。
蒸海鮮通常係由淡味食到濃味首先上嘅有東星斑，大約蒸八至10分鐘加上蒸魚豉油已經好鮮甜。
再來台灣九孔鮑魚同越南大虎蝦，尺寸十分之大而且鮮甜彈牙，明顯係新鮮貨。
之後有大西洋野生青口同韓國珍珠蠔，兩款蒸完都仲有海水味而且又唔會太老太韌，一個字正。
紐西蘭刀貝蚌佢上菜個時我仲見到佢郁緊，一樣係鮮甜可口。
最後先到主菜澳洲龍蝦同菲律賓蟹。龍蝦係西澳龍蝦，有手臂咁大，食完一隻有沖動叫多隻來食。菲律賓蟹十分多膏，肉質都鮮甜，對於第一次食菲律賓蟹既我有驚喜。
最後食埋個菜同粥就真係完成呢個完美嘅一餐
張貼
