嘆嘆 (裝修中)

前幾日去韓閣打完卡，見到隔離嘆嘆，覺得好得意，收工又同朋友去嘆下先。三個人食，叫左三個套餐加兩個甜品。每個套餐都有多款菜式可以揀，選擇好多，而且份量十足！嘆嘆拼盤大(小食) 、台南五小碟配夜巿小香腸，菜式多樣化，可以品嘗到唔同地道的台灣小食，好惹味，香口！鐵路便當盒(傳統炸物(台灣腸拼炸花枝)、滷肉高麗菜配香酥雞，炸物及雞件都好香脆，內軟嫩滑，吃到停唔到。份量一樣好多，令人食到好滿足。十全大補藥燉排骨湯配紫菜飯，仲有甜不辣，濃郁的藥材味，排骨都好軟腍，但唔會鞋口，都滑，飲完身子都暖暖，甜不辣軟糯香甜，配甜酸醬食一流。飲品:楊枝金露、富士山紫薯奶蓋及奶蓋藍橙乳酪特飲，綿密滑順又充滿奶香味的奶蓋、紫薯及藍橙的味道濃郁帶有流動感，賣相都好吸引。甜品︰黑糖芋圓及是日甜點，芋圓Q彈可口， 搭配布甸、冰品真是有夠絕了！真的吃得到食材的原始味道，正。總體質素高，份量多，真係好超值！