添好運點心專門店

營業中

休息中

又到晚飯時間，突然想食點心，於是黎到呢間米芝連食店潮聖。剛去到不用等位就可以直接入座，食客都好多元化有外國遊客，本地家庭，朋友等等。點心種類比一般酒樓少，但價錢都幾平易近人。我地點左酥皮焗叉燒包、豉油王炒面、煎臘味蘿蔔糕、黃沙豬潤腸粉同鮑汁鳳爪。洗完杯飲個茶既時間已經上左酥皮叉燒包，酥皮鬆脆而蜜汁叉燒味道適中，亦好多人推介呢個點心，實在唔錯。炒面同蘿蔔糕同一般既酒樓水準差不多，不過不失。至於豬潤腸粉唔係出面常見既，豬潤爽脆唔會太粉，腸粉亦唔會太厚粉，鍾意食豬潤既朋友可以試一試。鮑汁鳳爪係咁多道點心入面，比較失水準，鮑汁較水狀而鳳爪唔唸。整體不錯，但個別點心需要改善，有機會都會再去試試其他點心。