香港地 (已結業)

疫情第四波期間日日都係買外賣返公司。為左準備迎接聖誕假期日日食，午飯時間又係公司附近揾快靚正午餐啦！天氣回暖忽然想食常餐，喺集成中心嘅香港地就有啦！香港地嘅前身係麵麵店，我比較鐘意食車仔麵所以開張至今未幫襯過！早幾日經過見倒佢嘅午餐賣相好吸引呀，一於幫襯一次啦！  午餐 – 瑞士汁雞翼撈通心粉，配火腿奄列＋牛油多士 （＋4轉凍飲）$50 ，自己做外賣仔🥡有88折！真心抵食！火腿奄列- 半圓形嘅蛋剛好包住火腿絲，唔油煎得啱啱好，一隻蛋嘅份量  瑞士汁雞翼撈通心粉- 瑞士汁雞翼好好味，好夠味，雞翼係肥嘟嘟有肉地，撈通心粉唔太咸同重口味嘅雞翼好夾！唔錯！