影片
更多
2018-02-25
576 瀏覽
又到農曆新年，一家人食團年飯嘅時刻。揀左新斗記位於佐敦嘅總店，環境都幾寬敞舒適。黎到老店，當然要食下懷舊風味菜。新斗記主打嘅係粵菜，更加有地道風味。過時過節，食好少少，叫左金牌即燒乳豬($188/ 1/4隻)。乳豬皮非常香脆幼薄。肥膏不多，乳豬肉幼嫩。手拍青瓜($38)，青瓜新鮮清甜，醬汁麻辣開胃，唯獨係比較濃味，每人食少少已經足夠。啫啫唐生菜煲($78)，整個菜煲熱辣辣，香氣撲鼻。主打嘅只有唐生菜，卻用上不同嘅香料同醬汁調味，令唐生菜都非常惹味。生炒上肉排($98)，色香味俱全。顏色鮮豔，酸酸甜甜非常適合下飯。肉排果然係啖啖肉，外層炸得香脆，連作為配菜嘅青椒都非常爽口。籠仔蒸蜆飯($148)，香蒜蒸蜆鮮味十足。籠仔飯用上炒飯底，稍為放涼左，如果熱食味道更佳。最後送上清甜西瓜，滿心滿足。
黎到老店，當然要食下懷舊風味菜。新斗記主打嘅係粵菜，更加有地道風味。
過時過節，食好少少，叫左金牌即燒乳豬($188/ 1/4隻)。乳豬皮非常香脆幼薄。肥膏不多，乳豬肉幼嫩。
手拍青瓜($38)，青瓜新鮮清甜，醬汁麻辣開胃，唯獨係比較濃味，每人食少少已經足夠。
啫啫唐生菜煲($78)，整個菜煲熱辣辣，香氣撲鼻。主打嘅只有唐生菜，卻用上不同嘅香料同醬汁調味，令唐生菜都非常惹味。
生炒上肉排($98)，色香味俱全。顏色鮮豔，酸酸甜甜非常適合下飯。肉排果然係啖啖肉，外層炸得香脆，連作為配菜嘅青椒都非常爽口。
籠仔蒸蜆飯($148)，香蒜蒸蜆鮮味十足。籠仔飯用上炒飯底，稍為放涼左，如果熱食味道更佳。
最後送上清甜西瓜，滿心滿足。
張貼
