影片
更多
2023-02-21
62 瀏覽
每次同朋友去旺角行街，經常都會幫襯一間串燒店，因為可以一個價錢任飲，任食，性價比好高，而且食物質素仲要係好好，好值得喺度推介一下。串 Grill 自助燒烤專門店，地址喺廣華街2號翠園大廈二期10號舖，餐廳地方都算闊落，每一個都係卡位，大枱可以坐到8個朋友，坐低自己用QR code落單非常方便，飲品方面就可以自行到飲品櫃選擇，全部都係任飲。點完食物一版版咁送過嚟，每一寸食物都可以放上齒輪上面自己轉動，唔需要用手，等一陣就可以食得，真係好方便。食物種類都有好多選擇，有牛肉，羊肉，雞肉，豬肉，海鮮，丸類，蔬菜。牛肉方面，我就比較鍾意M6和牛，燒一陣牛肉已經食到加上旁邊嘅調味料可以令到牛肉嘅味道更加有層次，入口牛肉味好香龍，簡直有入口即溶嘅感覺，脂肪比例分布得好均勻，食落去特別有牛肉香味。另外美國牛肋腩肉質偏林，但係腩肉位油脂更加香。呢個牛肉我都好鍾意食。豬肉方面，我就推介豬五花腩，五花腩燒完，迫晒啲油脂出嚟，食落去味道特別香口。另外豆卜同秋葵都係我必食嘅推介，燒香咗嘅秋葵，外面有啲焦香入口味道爽甜。真係好正另外一個食物多春魚都係我最鍾意：燒到啲魚收乾水，魚春咬落去卜卜脆又香口。唔經唔覺兩個人
串 Grill 自助燒烤專門店，地址喺廣華街2號翠園大廈二期10號舖，餐廳地方都算闊落，每一個都係卡位，大枱可以坐到8個朋友，坐低自己用QR code落單非常方便，飲品方面就可以自行到飲品櫃選擇，全部都係任飲。
點完食物一版版咁送過嚟，每一寸食物都可以放上齒輪上面自己轉動，唔需要用手，等一陣就可以食得，真係好方便。
食物種類都有好多選擇，有牛肉，羊肉，雞肉，豬肉，海鮮，丸類，蔬菜。
牛肉方面，我就比較鍾意M6和牛，燒一陣牛肉已經食到加上旁邊嘅調味料可以令到牛肉嘅味道更加有層次，入口牛肉味好香龍，簡直有入口即溶嘅感覺，脂肪比例分布得好均勻，食落去特別有牛肉香味。另外美國牛肋腩肉質偏林，但係腩肉位油脂更加香。呢個牛肉我都好鍾意食。
豬肉方面，我就推介豬五花腩，五花腩燒完，迫晒啲油脂出嚟，食落去味道特別香口。
另外豆卜同秋葵都係我必食嘅推介，燒香咗嘅秋葵，外面有啲焦香入口味道爽甜。真係好正
另外一個食物多春魚都係我最鍾意：燒到啲魚收乾水，魚春咬落去卜卜脆又香口。
唔經唔覺兩個人食到成筒簽，真係好滿足。
張貼
