自家燒吧 (已結業)

哇哇哇！今日好難得唔洗加班呀！即刻約返幾個同事收工happy hour先。今次嚟食呢間喺觀塘嘅自家燒吧。佢係喺棟商廈入面嘅，好易去，觀塘地鐵站出嚟直行就到。店面環境幾好，有好多小擺設好得意呀！但係個抽風系統麻麻地，食到好熱呀！佢啲嘢食都有好多嘅，熟食位嘅選擇唔係好多，得啲幾款炸物，焗蠔，菜類。仲有壽司類嘅位置，不過我有試到，今日只想食熟嘢。跟住就係主角串燒啦，真係有好多選擇比你：豬、牛、羊、雞、腸、菇、粟米、章魚。各種各樣嘅串燒梗有隻啱你。熟食get!!!!!串燒get!!!!!!!開燒！！！！塗啲燒醬、甜酸醬咁一齊燒仲惹味呀！燒好落孜然，仲有分原味、花生同辣味添。牛肉唔知點解食到幾串都有啲硬，不過其他羊肉、豬、雞都好好食，羊肉唔會羶，肉都好嫩口。最後仲有雪糕任食添呀！但係我已經好飽飽啦！但係點都要食返個先得，話晒都係放喺第二個胃㗎嘛。