12燒

營業中

休息中

今次嚟到葵芳，決定搵吓葵廣以外有咩好食！舖頭喺葵芳廣場，要特別強調唔係大家一般認知嘅「葵廣」葵涌廣場，而係位於葵芳邨入面嘅葵芳廣場。見到附近街坊行過都會同老細打招呼吹兩嘴，所以都算係正宗嘅街坊小店！以一間街坊小店甚至串燒店的標準來講，呢度嘅環境坐得幾舒服，亦都非常乾淨👍🏻！豚肉尖椒卷 🫑豚肉尖椒卷選用了孜然粉調味，尖椒的辣感綻放出豚肉的肉質，比起常見嘅金菇肥牛卷更有特色！簡單一句就係尖椒辣，豚肉滑！玉子燒 💛呢個玉子燒可以媲美居酒屋嘅級數！首先玉子係相當厚切，咬落好有口感又彈牙！今次選擇咗蜜糖味，甜甜地但係燻味濃郁，而且外脆內軟，唔怪得咁多人嚟到都會叫呢款！原條茄子 🍆本身見到有蒜蓉味揀，都諗住揀返最正路嘅選擇，但係見到好似有唔少人都會喺度試避風塘風味嘅串燒，所以決定一試！原條茄子非常大條，兩個人食啱啱好，而茄子表面一樣有辣椒同蒜蓉，配以避風塘嘅蒜粒，多重層次的口感令人回味無窮！燒香蕉🍌最後甜品叫咗唔係咁常見嘅燒香蕉，亦都相當有驚喜！呢個可以話係香蕉版嘅焦糖燉蛋！香蕉表面上有一層金黃薄脆嘅焦糖，而內裡香甜可口，味道好夾。值得一提嘅係，師傅送上串燒嘅時候，細心一睇，會發現原來唔係一個普通