大松日 (已結業)

星期五，上晝返返下工嘅時候，OpenRice突然間彈出$15蚊快閃優惠，當然唔可以錯過啦。公司附近都有唔少食肆提供外賣自取，我就揀咗高銀金融國際中心嘅大松日。大松日今日有豚肉香味燒便當同埋日式牛肉可樂餅便當。我叫咗前者。$60一份，再扣返$15快閃優惠，埋單都只係$45。用OpenRice App落單都幾方便嫁，揀好拎外賣嘅時間，跟住俾錢，喺你指定嘅時間到食肆拎點咗嘅外賣，就係咁簡單。打開豚肉滿滿咁蓋住白飯，豚肉燒得好白，加埋啲醬汁，非常之好食。美中不足係無附送飲品。