海饌 - 海鮮牛扒餐廳 (Fashion Walk) (已結業)

🫶🏻喺銅鑼灣按摩完想醫下個胃，唔想求其食連鎖餐廳，想食海鮮又唔想食中菜，醒起朋友介紹過係fashion walk食街呢間coast，正正主打西式海鮮同牛扒，行到過去又唔使等位就入去醫左肚仔先算。 👅泰式羽衣甘藍燒牛肉沙律 ( $ 135)頭盤叫咗個沙律，朋友本身仲怕羽衣甘藍嘅味道太青，但係佢嘅泰式沙律醬好出色，酸酸甜甜嘅味道蓋過晒草青味，非常開胃又清新嘅感覺，啱晒夏天，難得有一次竟然清晒沙律。👅 香蒜橄欖油浸墨魚片( $ 105)佢哋先將蒜片烤過，再將墨魚片煮熟，然後放入大碗既橄欖油浸住，最後再放孫片喺上面，上枱時好香既酸味，以為油浸該會好肥膩，但係墨魚片新鮮而又煙韌嘅口感，完全令人忘記咗嗰種油膩感，包住蒜片一齊食，perfect!👅 香蔥魚子醬炸馬介休卷( $ 120)早排喺澳門食過一個好好食嘅馬介休球，難得見到香港有餐廳有得試，又想食過返尋味，酥炸卷皮裏面係好淋身既魚肉，外脆內軟，而且魚肉咸度啱啱好，面頭嗰陣魚子醬除咗本身嘅味道濃郁，亦都將魚肉嘅味道昇華，顯得更惹味。😘😘👅法芥醬忌廉燴黃油春雞配烤中東烤餅( $ 280)食閹咗牛扒，我哋主菜要咗個黃油春雞，見佢黃色嘅一大劈醬汁，本來