洪記粥品

今日同阿媽去黃大仙還神，媽話要食清清地，一上openrice見到人地介紹洪記d生滾粥好綿好食，就去試下先。

1

我地叫左鯇魚腩生滾粥，同埋窩蛋牛肉生滾粥，粥底好滑，而且d牛同魚都好林，魚仲切得好大舊，啖啖肉真係好味。

另外我地仲叫左鮮蝦腸粉，個腸厚度剛剛好，而且蝦夠彈牙，味道一流。

原來呢到有煎堆，好耐冇食過，食返一件外脆內軟，煙煙韌韌十分好味。

牛脷酥就大大件，脆卜卜，要嚟送粥真係一流。

我地買埋豆漿，1支10蚊有豆味，留返一陣飲啱晒！