孖寶車仔麵

營業中

休息中

要數到全香港最多嘢食嘅商場 葵涌廣場一定係當之無愧 而喺全港最多嘢食嘅商場做到頭幾名 呢間屹立多年嘅車仔麵店 一定係有啲料到 長期都勁多人 就算咩時間嚟都係爆曬場 今次即管試吓佢車仔麵啲餸選擇多 而且連個湯都有好多選擇 揀咗秘製汁同埋特製辣汁 揀咗以下幾款五香肉丁 貢丸 麻吉燒 配手打麵 呢幾樣野都非常之入味同埋好食 手打麵好有驚喜 爽口彈牙 值得一讚係個秘製汁 出邊一定食唔到呢個味 少少辣又令到個湯非常之濃郁另外一碗揀咗秘製汁多腩汁 秘製汁係出邊食唔到嘅咁好味 魚肉春卷 生菜 蘿蔔 牛腩配出前一丁 個面吸啲汁真係不得了 凍檸茶 估唔到一間車仔麵嘅檸茶都咁出色 我覺得好味過出邊大部份茶餐廳 熱咖啡 非常之香濃嘅奶味同埋咖啡味