Dan Ryan's Chicago Grill (海運大廈)

營業中

休息中

第一次食 Dan Ryan’s，以往行開海港城都見到呢間餐廳不過就一直都未試過。餐廳裝修帶有美式風格，座位夠寬敞坐得舒服。叫咗滋味二人餐，頭盤有周打蜆肉湯同炸洋蔥圈二選一，炸洋蔥好似比較普通所以揀咗湯，蜆肉湯雖然唔算大碗，不過味道濃郁口感綿綿幾正。之後就到套餐跟嘅木瓜沙律，沙律有驚喜勁多配料勁豐富，開頭仲以為會係好 hea 嘅沙律。豬扒燒得唔錯食落唔嚡口，肉汁飽滿就咁食或者點蘋果醬都唔錯。甜品係布朗尼配朱古力士多啤梨，滿滿嘅朱古力醬鋪滿整個布朗尼，啱晒鍾意食甜嘅人，如果唔係會覺得佢甜到漏。