影片
更多
2020-08-28
653 瀏覽
平時都經常經過呢間小店，但一直都冇特登入去試下，直到知道係時新快餐店嘅新店，都非常想試下，但始終都冇去。講下自己先，我就從未試過舊店，只係有所聽聞佢嘅名氣，久仰大名了。今次趁住暑假最後幾日，都算係特登去試下。首先講下店鋪嘅環境啦。裡面一入去就有好大張poster，宣傳悠久嘅餐廳歷史。我覺得其實可以放喺外面作為宣傳而唔洗放喺餐廳內部，因為從店鋪嘅外觀睇，比較有設計感，好難一眼就聯想到係舊店，可能放喺出面會吸引到更多人去嘗試。講下我地叫咗咩啦。我地兩個人叫做一份套餐（漢堡芝士包加薯條）同埋單買漢堡芝士蛋包。因為疫情影響，我地選擇外賣而並非堂食，所以可能食物質素同堂食有少少分別。漢堡芝士包 $27呢個包都幾特別，我好少食港式漢堡包，所以本身對於港式漢堡冇一個鮮明嘅印象做參考。但都幾好食，同我想像中差唔多，甜甜酸酸嘅醬配上都幾有肉汁嘅漢堡排，我就唔太食到有芝士，因為醬嘅味道太強烈，有少少掩蓋咗芝士嘅味道，不過呢個位可能係我自己問題。對我而言，都係幾有特色，值得一試嘅burger。薯條一打開呢份薯條就有少少驚訝，冇預計會有咁多，因為我睇過啲youtuber review，佢地話薯條份量偏少，但我
講下自己先，我就從未試過舊店，只係有所聽聞佢嘅名氣，久仰大名了。今次趁住暑假最後幾日，都算係特登去試下。
首先講下店鋪嘅環境啦。
裡面一入去就有好大張poster，宣傳悠久嘅餐廳歷史。我覺得其實可以放喺外面作為宣傳而唔洗放喺餐廳內部，因為從店鋪嘅外觀睇，比較有設計感，好難一眼就聯想到係舊店，可能放喺出面會吸引到更多人去嘗試。
講下我地叫咗咩啦。
我地兩個人叫做一份套餐（漢堡芝士包加薯條）同埋單買漢堡芝士蛋包。
因為疫情影響，我地選擇外賣而並非堂食，所以可能食物質素同堂食有少少分別。
漢堡芝士包
$27
108 瀏覽
1 讚好
0 留言
漢堡芝士包 $27
呢個包都幾特別，我好少食港式漢堡包，所以本身對於港式漢堡冇一個鮮明嘅印象做參考。但都幾好食，同我想像中差唔多，甜甜酸酸嘅醬配上都幾有肉汁嘅漢堡排，我就唔太食到有芝士，因為醬嘅味道太強烈，有少少掩蓋咗芝士嘅味道，不過呢個位可能係我自己問題。對我而言，都係幾有特色，值得一試嘅burger。
薯條
68 瀏覽
1 讚好
0 留言
薯條
一打開呢份薯條就有少少驚訝，冇預計會有咁多，因為我睇過啲youtuber review，佢地話薯條份量偏少，但我又唔覺，仲覺得幾多，哈哈哈哈。攞翻去屋企途中都覺得薯條好香。可能放耐咗有少少軟身咗，但係好食嘅，仲脆嘅，就好似一般下午茶嘅薯條，波浪形嘅，下次再去，可能就要堂食呢！☺️
總括而言，都算一次特別嘅經歷！可能我對經典、舊式嘅餐廳有種特別嘅情感，希望可以多啲人可以支持下呢間餐廳！
張貼
