泰妃雞 (已結業)

今日，媽咪突然話約朋友去街，叫我食埋飯先返屋企！好嘢呀！又可以試新嘢！我趕住6:00 前收工，可以食到 6:00 完嘅下午茶餐！真好彩！未到 6:00 已經踏入泰妃雞，仲有 $20 起嘅下午茶餐！呢個時段，我係唯一的食客！店員淨係服侍我一個咋！幾好呀！店員有問必答，我問佢雞翼湯粉有幾多隻雞翼？佢答有兩隻！咁雞絲湯粉有幾多雞絲呀？佢話有好多數唔到！佢答得真係攪笑！ 我又唔係要你數俾我睇！事不宜遲，即刻叫咗香茅雞翼湯金邊粉+熱好立克！ 香茅雞翼湯金邊粉：一上到枱都幾香，賣相唔錯！配料有生菜、幼通菜、冬菜、西芹粒、蔥粒；還有炸蒜蓉粒！湯底有泰國魚露味，味道好搶兼鮮甜！好惹味！配合幼身金邊粉，完全係 Perfect match ！金邊粉即係幼身河粉，夠滑又夠多。可以填飽肚！雞翼大大隻，煎得金黃，仲熱辣辣；還有炸蒜蓉粒喺香茅雞翼上面！夠哂入味，可惜得兩隻實在唔夠喉！ 好立克夠滑，多淡奶！就算我唔加糖亦夠甜！淡淡清香！食完碗金邊粉，飲杯好立克，感覺好舒服！又可以仲淡湯嘅咸味！正呀！服務方面：阿姐做嘢真勤快，收碗速度快！ 我未食完就想收碗，咁啱我一放低筷子，但碗中剩返一隻雞翼留返最尾食，睇吓晚餐嘅