影片
更多
2017-09-04
2234 瀏覽
今晚約咗跳舞同學sss一齊去晚飯，為咗多謝大師姐代大肚miss 同我哋癲咗3個月，加上今日miss 復課，所以嚟個結業禮+開學禮!我哋一行11人有大有細，所以揀就近喺佐敦食素，原來而家嘅佐敦薈JDmall前身就係嘉利大廈，都係前幾日男友講我至知。其實都冇乜特別嘅，不過正值七月，所以我唔多敢周圍影相，加上10幾人食飯，費事咁多人等我一個，所以連食物都冇影到。原本冇食物相都唔諗住寫食評，不過呢度<<真心推介>>，味道ok份量大之餘價錢又合理。唯一一樣麻麻地就係枱與枱之間距離太近，可能咁啱7月多人食齋所以會嘈d，但平時好似話無咁多人，唔洗book位可以walk in，比起同區另外一間素食館好味又抵食好多!而家講吓叫咗乜嘢食先~~~1) 齋滷味拼盤同平時街買果d一樣。2) 松茸醬拍青瓜 青瓜凍食爽脆清新，第一次試松茸醬都特別。3) XO醬炒蘿蔔糕 呢個有驚喜真係必食!外脆内軟，唔係粉頭。d XO醬係用冬菇掟整成嘅瑤柱C, 好香囗。4) 五柳黃魚 炸紫菜卷配酸may may同好多松子。5) 煎蠔餅香煎雜菜餅味道其實ok，不過我麻麻地佢入面有西芹。6) 咕嚕士多啤梨
原本冇食物相都唔諗住寫食評，不過呢度<<真心推介>>，味道ok份量大之餘價錢又合理。唯一一樣麻麻地就係枱與枱之間距離太近，可能咁啱7月多人食齋所以會嘈d，但平時好似話無咁多人，唔洗book位可以walk in，比起同區另外一間素食館好味又抵食好多!
而家講吓叫咗乜嘢食先~~~
1) 齋滷味拼盤同平時街買果d一樣。
2) 松茸醬拍青瓜 青瓜凍食爽脆清新，第一次試松茸醬都特別。
3) XO醬炒蘿蔔糕 呢個有驚喜真係必食!外脆内軟，唔係粉頭。d XO醬係用冬菇掟整成嘅瑤柱C, 好香囗。
4) 五柳黃魚 炸紫菜卷配酸may may同好多松子。
5) 煎蠔餅香煎雜菜餅味道其實ok，不過我麻麻地佢入面有西芹。
6) 咕嚕士多啤梨𤠣頭菇 呢個咬落唔似菇，真係似肉。
7) 本菇豆角炒茄子冇乜特别
8) 欖菜松子炒飯 飯炒得好乾身，味道唔錯。
9) 三𢇁炒烏冬冇乜特别
10) 腿茸百合翡翠淮山羹營養價值高，但太杰似漿糊，唔係個個接受到。
11) 西米紅豆沙 (送嘅)
張貼
