車品品小食 (已結業)

前排睇Facebook 得知呢間小店做到年尾就唔做喇，咁就約埋街坊臨別前去探訪下。7點30分去到，門口已經排咗成10人，等了大約一個鐘頭就被安排入座。上年食過一次，佢好多野食，味道過咗咁耐都仍然令人好懷念。今次叫咗4樣野加2杯野飲。桂圓冬瓜茶老闆娘教唔好不停攪，越攪越甜，濃得制可以叫佢加茶🤤🤤三溫糖冬瓜茶初嘗 - 糖醋溏沁皮蛋 本身想食子薑，但呢個時間唔當造，冇得食🤢但糖醋都好好食，開心大發現。食過翻尋味既魯肉餃，上面啲好多蝦子🤤碗仔翅，真係好多料8喜撈，多種配料撈埋一齊，好香。麵底燒到脆底，好有咬口，好味。