影片
更多
2019-03-17
2842 瀏覽
係我個 To eat list 好耐，但係要過海我又懶，見今日去開沙田探個朋友個B 就可以去食啦， yeah!三星噶瑪蘭威士忌牛肉麵 $188講到限量10碗，咁誇張每日只賣十碗，加埋呢個價錢$188一碗牛肉麵。其實真係貴，但係本著今日係白色情人節，同埋未試過呢呢個配搭 - 威士忌酒配牛肉麵，就等我睇下佢咩葫蘆賣咩藥。 首先唔好講佢嘅味道淨係佢成個presentation已經滿足咗你嘅眼睛，視覺上絕對攞滿分。 首先佢會拎住 一個木盒入面裝咗 五支 唔同口味威士忌畀你揀之後再拎住成盤嚟喺你面前做一場表演， 首先燒一燒啲 半生熟 牛肉再倒啲麥芽放喺牛肉上面燒， 最後會倒你揀咗嘅威士忌喺個殼上面再燒， 燒完之後倒返落去碗牛肉麵上面就食得啦。 一個普通牛肉麵變左一個精彩GE表演，先唔講味道，誠意已經超加分！ 講番個味道，酒味好濃再配埋牛肉湯一齊食 令到個牛肉湯變咗多咗一種特別既味道， 而牛肉係快火燒，肉好嫩滑，同好香牛味，真係食得又睇得GE一道菜，將食飯提升左去另一種層次。未試過真係試得過。紅燒三寶牛肉麵 $82三寶 指係牛展、牛肚同牛筋，呢3個部位都煮得好淋同入味。而佢地都同自家醃製酸菜味道
三星噶瑪蘭威士忌牛肉麵 $188
講到限量10碗，咁誇張每日只賣十碗，加埋呢個價錢$188一碗牛肉麵。其實真係貴，但係本著今日係白色情人節，同埋未試過呢呢個配搭 - 威士忌酒配牛肉麵，就等我睇下佢咩葫蘆賣咩藥。 首先唔好講佢嘅味道淨係佢成個presentation已經滿足咗你嘅眼睛，視覺上絕對攞滿分。 首先佢會拎住 一個木盒入面裝咗 五支 唔同口味威士忌畀你揀之後再拎住成盤嚟喺你面前做一場表演， 首先燒一燒啲 半生熟 牛肉再倒啲麥芽放喺牛肉上面燒， 最後會倒你揀咗嘅威士忌喺個殼上面再燒， 燒完之後倒返落去碗牛肉麵上面就食得啦。 一個普通牛肉麵變左一個精彩GE表演，先唔講味道，誠意已經超加分！ 講番個味道，酒味好濃再配埋牛肉湯一齊食 令到個牛肉湯變咗多咗一種特別既味道， 而牛肉係快火燒，肉好嫩滑，同好香牛味，真係食得又睇得GE一道菜，將食飯提升左去另一種層次。未試過真係試得過。
紅燒三寶牛肉麵 $82
三寶 指係牛展、牛肚同牛筋，呢3個部位都煮得好淋同入味。而佢地都同自家醃製酸菜味道超夾。同出面果d酸菜唔同，唔會過咸，配起黎除左夾之餘，仲有加分作用... 配埋牛肉一齊食更有層次。份量都絕無欺場，味道係帶甜既牛肉湯底。好味！
第一鹽酥雞 $58
好大碟，一上台，我同朋友都嘩左出黎，成座雞粒山，兩個人都食唔哂。講返味道香脆又帶有鹽香酥味，d雞肉炸得黎仲係好Juicy，雞肉唔似係冰鮮野都仲係好香肉味，不錯。
肉燥青菜 $48
見到佢介紹自己既肉燥係阿女麻秘方，本身想食肉燥飯，但係叫左兩個驚食唔哂，所以就叫呢個貪佢可以試埋d肉燥。半肥瘦既肉燥加埋秘製醬油，甜甜地加埋有肉燥豬油香，好惹味。
燙青菜 $32
就係走左個肉燥既青菜，只係落左醬油同有d炸蒜，但都已經好夠味。
肉鬆皮蛋豆腐 $58
不死完美配搭，本身就已經唔洗點整就已經好好味。
綠妍 $29
茶底好香，回甘力強，芝士奶蓋都飲到有咸香，無失望。味道唔輸台飲店！
整體雖然價錢唔平，屬於係中上，但係味道真係唔錯，服務都超好，勘水都勘得好密。所以絕對會有下次！
張貼
