南記粉麵 (元朗千色匯)

南記粉麵喺元朗已經開咗一段時間，前排見到聽人講話排好耐隊，有啲嚇親唔敢去食，上個星期終於鼓起勇氣，去咗千色排隊，好彩前邊只有兩枱客，排咗5分鐘就到我啦！

我嗌咗招牌春卷（四條）加一份招牌辣豬肉，麻酸辣湯底，走韭芽，飲品方面要單嗌，所以硬着頭皮點了一杯凍檸茶，有點貴呢😅

麻酸辣招牌春卷辣豬肉米線

講返碗麵，麻酸辣湯底有肉碎同酸菜，酸菜份量都幾多幾好食，招牌辣豬肉脂肪唔算多都幾滑同好入味，春卷就一如以往嘅好，係魚肉加墨魚丸嘅質地，但食四條其實都有啲飽，下次可以嗌返兩條，米線口感煙韌，配埋湯底一流。

我耐唔耐就會去南記度食碗麵，今次唔需要特登出九龍食，實在太好啦！