更多
2009-02-21
28 瀏覽
20-2-2009上次約朋友 J 食 lunch 遲到, 搞到食唔成呢間 ^_^", 難得到灣仔「下場」前朋友提議0黎試試 set dinner, 今日終於有機會試試食友 FL 介紹的心太軟喇! 先0黎 starter, 揀了洋蔥湯: 洋蔥腍身, 湯就好稀, 味道太鹹, 有點「豉油溝水」feel, 諗起都打冷震... 反而蒜蓉包幾好食, 烘得脆卜卜又幾香蒜味.朋友的 starter 好似叫「煙腸仔沙律」, 即兩片 mortadella (?) + 泰式 dressing 的羅馬生菜... mortadella 味道正常, 爽脆的羅馬生菜就被橙色的 dressing「害」得「雞毛鴨血」-- dressing 呈 jam / 狀 (!!), 味道十足泰式雞醬 / 加辣版 marmalade, 難吃. 十分麻麻的一道菜!我的主菜好似叫「紫蘇忌廉汁蜆肉天使麵」: capellini 腍腍的, cream sauce 味道淡淡的, 唯有自行落點胡椒粉「吊吊味」;「紫蘇」就唔多覺, 唔通粒粒香草碎就係「紫蘇」? 蜆仔雖然好似好細隻, 但食落帶點海水味, 鮮甜無沙, 意料之外地不錯;
上次約朋友 J 食 lunch 遲到, 搞到食唔成呢間 ^_^", 難得到灣仔「下場」前朋友提議0黎試試 set dinner, 今日終於有機會試試食友 FL 介紹的心太軟喇!
先0黎 starter, 揀了洋蔥湯: 洋蔥腍身, 湯就好稀, 味道太鹹, 有點「豉油溝水」feel, 諗起都打冷震... 反而蒜蓉包幾好食, 烘得脆卜卜又幾香蒜味.
朋友的 starter 好似叫「煙腸仔沙律」, 即兩片 mortadella (?) + 泰式 dressing 的羅馬生菜... mortadella 味道正常, 爽脆的羅馬生菜就被橙色的 dressing「害」得「雞毛鴨血」-- dressing 呈 jam / 狀 (!!), 味道十足泰式雞醬 / 加辣版 marmalade, 難吃. 十分麻麻的一道菜!
我的主菜好似叫「紫蘇忌廉汁蜆肉天使麵」: capellini 腍腍的, cream sauce 味道淡淡的, 唯有自行落點胡椒粉「吊吊味」;「紫蘇」就唔多覺, 唔通粒粒香草碎就係「紫蘇」? 蜆仔雖然好似好細隻, 但食落帶點海水味, 鮮甜無沙, 意料之外地不錯; 雜菌就麻麻, 個別幾隻帶點「酸叔」, 唯有放棄.
試了一啖朋友的主菜 (好似叫咩「鵝肝雞肉卷」...),「雞肉」味道口感都好似腸仔, 唔0岩食, 不過朋友覺得 ok 就得啦;「鵝肝」就係品質麻麻的鵝肝醬, 可以不試; on the side 的薯菜以 mashed potato 賣相最嚇人, 睇個樣都知唔好食, 唔怪得朋友掂都唔掂! 不過兩粒 cherry tomatoes 就俾我食了, 都叫做 ok 的...
又係飲熱咖啡, 奉上室溫花奶 (..........), 都幾港式, 不過 coffee base 幾香濃, 算啦.
朋友飲熱奶茶, 唔知得唔得?
另外加了 $28 食個跟餐心太軟: 食完主菜等了 15 分鐘先有得食, 果然係即叫即焗... 拮開外層帶點脆身的朱古力蛋糕, 入面勁多朱古力漿流出, 賣相係好靚, 食落夠甜, 但朱古力品質太唔靚, 味道幾怪, 都係 La Bons (http://www.openrice.com/restaurant/commentdetail.htm?commentid=1913926) 的好食得多; 朱古力蛋卷唔脆又無味; 0云呢0拿雪糕亦幾失敗, 唔香又唔滑, 仲有點冰粒, 唉. 可能下午茶0黎食會好 d?
仲有一客另加的 a la carte Bread Pudding ($35), 除0左我唔食的 raisins 之外, 呢個整體就比心太軟好 -- 果然好「麵包」的味道, 熱辣辣又幾香甜, 可惜無 vanilla sauce 供應啦.
由外面望入0黎, 帶點酒吧 feel, 但內部就係港式西餐格局, 而且同場食客大部分都係一家大細, 橫睇掂睇都唔似酒吧的; 招呼 ok.
連加一每人 $110, 一分錢一分貨, 價錢都 ok 的. 不過試完呢次, 應該唔會再0黎了.
張貼
