瑞士㗎啡室 (已結業)

今日嚟開香工，梗係要嚟瑞士咖啡室食佢個瑞士雞脾啦！見人哋講得咁出色咁正，點都要嚟八卦一下坐低貫徹茶記嘅服務：快！姐姐好快手咁已經擺低杯水同餐巾叉羹！睇餐牌，好多選擇！搵咗一陣先見到我想試嘅嘢：瑞士雞脾拼金鏄！先嚟咗杯嘢飲，熱檸水，正常嘢！兩分鐘後就嚟咗個瑞士雞脾拼金鏄！心諗咁快嘅⋯⋯見到隻雞脾都有煙出，即係熱嘅，還好！但兩件金鏄，牛油都唔溶，仲諗係咪牛油太冰⋯⋯一切落去，都唔算太油，但就係唔熱囉⋯⋯有啲失望好處係糖漿任落！因為成樽比你，唔係依家嘅新茶記一包包咁！食咗一件金鏄之後食雞脾，色水好夠！但只係色水好夠，冇特別喇！整體嚟講係有啲失望嘅！