心語甜品 (已結業)

經常去呢間舖買外賣，因為鍾意佢哋糖水全部係自家製，加上唔太甜，我同太太都好鍾意，尤其是我太太最鍾意食佢哋個紫薯桃膠，放工照舊去買糖水俾太太食，佢食完讚不絕口，要我寫好評俾佢哋。紫薯煲到棉之外仲有粒粒紫薯，可能有D紫薯後加，真材實料，桃膠又多，唔似出邊D糖水舖咁，又稀又俾得小桃膠，又買得貴。我太太話食過出邊D桃膠甜品，俾得好小，有D舖好硬，有D舖太淋，呢間就煮得剛剛好，而且佢哋俾差不多半碗桃膠，講真40蚊唔使去邊度搵，太太話下次同朋友去食。