B07芝士雞鍋 (已結業)

久違了的芝士雞煲🐥 好耐之前食過一次覺得唔錯。今日想食雞煲，2個女仔又唔食得多，一於決定一人一鍋🙈叫咗一個雙重芝士紫薯雞煲($89) 同雙重芝士麻辣雞煲 ($79)。紫薯雞煲係最特別，岀面好難揾到🙈 紫薯好冧好甜，芝士份量仲要超級多，好重手。其實淨係芝士同紫薯呢2樣已經夠哂滿足。但雞塊就比較普通，係炸雞塊，然後炸粉都幾厚身，食2舊就唔想食。麻辣果款食落都幾惹味，辣味都夠。跟餐配烏冬仲正👌🏻淨係食雞煲太單調，我地就加埋肥牛，豚肉, 每碟唔洗$30，都幾抵食😌食雞煲點可以冇野飲，原來可以點隔離仙跡岩既珍珠奶茶。奶茶好好飲，茶香奶滑，但珍珠就硬到咬唔開😂😂